طول غيابك

[الشوق والدمعه]

طوّل غيابكْ




طوّل غيابكْ ما عرفنا خفاياك

نوبٍ تروح ونوبٍ تبينا

الهاجس اللي هزّني يوم فرقاك

ما هز قلبك يوم حِنّا انتهينا

عذَبتني يا قاسيَ القلب وياك

حبك شقاية و الجِفا مبتلينا

وش فايدة قلب يحبك و يهواك

لا صار قلبك قاسياً ما يلينا

يا ما سهرت الليل معْ طيف ذكراك

احس في طيفك يروح و يجينا

ارسم خيالك فوق طَلّة محياك

شمس الصباح اللي علينا تبينا

اشفق على قربك و شوفك و لقياك

و اذكر مكانك يوم حِنّا التقينا

حتى مكانك كاتبن فيه ذكراك

ياما ضحكنا فيه و ياما بكينا

و اليوم راجعٍ تعترف في خطاياك

ليه الهجر ما دام حِنّا وفينا

ضاعت حياتي بين صدّك و رجواك

و ضاعت حياتك يوم راحت علينا

مثل الغريق اللي على حوض الأدراك

حِنّا غرقنا بالهوى ما نجينا

هذي سِواتِك من يسوي سِواياك

يا خاين العشرة ترانا سلينا

خلاص هانت كلّها أيام و أنساك

حبٍ جديد غير حبك لقينا

مات الخفوق اللي يهوجس بطرواك

مرحومْ يا حبٍ توفى حزينا

[جمايل]

وش فايدة قلب يحبك و يهواك

لا صار قلبك قاسياً ما يلينا


صح لساانك اخ الشوق والدمعه

وانشالله تستمر بعطائك بهذا المستوى

واجمل

[Nathyaa]

ليه الهجر ما دام حِنّا وفينا

اااااااااااالله عليك يا الغالي وصح لسانك وسلمت لنا هالانامل الذهبيه اللي خطتت احلي كلمات يا شاعرنا

[الشوق والدمعه]

صح بدنك



نثيه



الله لايحرمنا من ردودك



يعطيك ربي ألف عافيه