خطوبة البنت لإبن عمها منذ نعومة أظافرها

[Nathyaa]

موضوع مهم ومنتشر عندنا بالخليج
على الرغم من ان احنا وصلنا القرن الواحد والعشرين ووصلنا الالفية الجديدة

وانتشار الثقافة الغربية عندنا الا ان بعض او معظم العائلات من اول ما تنولد البنت يخطبونها لولد عمها


ابي رايكم بهالموضوع وشنو يؤثر على كل من البنت والولد


انا من وجهة نظري انه يسبب الكراهية بين الطرفين لان يمكن مشاعرهم ما تتفق والكل منهم يحس انه مجبور ع الثاني



شاركوني بوجهات نظركم

[ROLZ]

طبعا الموضوع غلط في غلط
مانقدر نظلم الطرفين عشان عادات غابره انتهت
لكن هم مايمنع اذا كانوا راغبين في بعض واخلاقياتهم عاليه وتربيتهم حسنه انهم يرتبطون في بعض
-
-
يسلمو نثيه على الموضوع المهم

[Nathyaa]

رولز :

كل الشكر للمور والتواصل استاذي


بس الملاحظ للاسف ان الزواج هذا صار تقليدي


غصب عن البنت وغصب عن الرجل

[~*~عاطفية~*~]

والله يا نثيه مو شرط يسبب كراهيه

ممكن يكون فى حب من الطرفين واتفاق بينهم على الزواج

واعتقد اذ الولد ما يبى يتزوج بنت العم طبعا يقووول لا يعنى ما يكون مجبور عليها علشان لا تصير المشاكل

وحتى البنت اذ هى ماتبى ولد عمها ترفض علشان مثل ما قلتى لا يكون فى كراهيه بينهم

وتسلمين يا قلبى على الطرح

[Nathyaa]

للاسف يا حياتي ان هالانواع هذي من الزيجات صارت اجباريه


يعني غصب علي البنت والولد


تسلمين مراقبتنا العزيزه علي التواصل

[g6waa]

http://www.kwety.net/kwety1/q85/rrt5t5.gifhttp://www.kwety.net/kwety1/q83/banS000otaasb2db.gifhttp://www.kwety.net/kwety1/q85/rrt5t5.gif


http://www.kwety.net/kwety1/q85/2aim.gif .. تصرف مشين من الاباء

يحرم الفتاه من حق اختيار زوجهاا بنفسهااا

تسلمين عزيزتي عالموضووووووووووع .. http://www.kwety.net/kwety1/q85/4aim.gif

[Nathyaa]

يسلمووو مراقبتنا العسل علي هالطله العسل

[ROLZ]

الجيل الحالي ماينغصب الا نادر
مايسوي الا الي يبي والله يانثيه

[Nathyaa]

اوكي انا معاك


في الخليج عندنا نوعين


اما حضر او بدو


وفي بعض العائلات البدويه لين الحين متمسكه بمثل هالزيجات للاسف

[ROLZ]

الجيل الحالي بدو وحضر مندمجين بحكم الحضاره والدراسه من الثمانينات والتسعينات طلع جيل شبه موحد في الافكار مايحملون الا اسم بدوي وحضري والا الباقي نفس الشي وبالزواج الان الغالبيه مخير ماهو مجبور

يعطيج العافيه نثيه

[Nathyaa]

كلام سليم


اسعدني المناقشه معاك استاذي



واتمني فعلا ان الجميع يفتكون من بعض العادات القديمه

[بنت^جابر]

الصراحه غلط بغلط
وانا اعرف بناات جذي من دوون ما يقول لها ابوها راح تتزوجين ولد عمج
هيا تدري لأن اختها او جذي انغصبت على ولد عمها
فأهيا تقول وييع انا رااح اتزووج ولد عمي
وتصير حااقده على ابووها وولد عمها..


اما في نااس اهما من انفسهم
ارووح يخطب بنت عمه لأنه انعجب فيها ومن شخصيتها..


وانا وحده افضل الزوااج من بره العايله
لأن ولد عمج ولا ولد خااالج نفس اخووج وقااعده ويااه ومليتي منه :p
فتبينن وااحد غيير تجددين معااه حيااتج..

ويسلمو يا نثيه على الموضوع الحلو نفسج :)

[Nathyaa]

تسلمين ياعسل لابداء رأيج

[MooooN]

انا مع رولز ماكو بهالوقت احد ينغصب على شي الكل بكيفه صدقيني ...
وتسلم ايدج ع الموضوع ..

[مجرمة قديمة]

بصراحه موضوع خطئ لان الحين صارت البنت تخرج لمجال العمل وترا اشخاص كثير واغلب الحالات اللى بتتزوج فيها البنت من ابن عمها بيكون مافى اتقاف ولاحب

وبالتالى ترا الرجال بناظر خارج ويتعرف على فتيات اخرى ويترك زوجته لانه مايحبها..

وتصير حالات الطلاق بسبب هالموضوع..

يسلموووووووو حبوبه للموضوع

[Nathyaa]

علىراسي كل من ابدى وجهة نظره بالموضوع

[عطني المحبه]

اختي نثيه الان الشباب مخيرين وليسو مسيرين يعني كل واحد يتزوج اللي يبي
والشعوب الان منفتحه للحضارات واغلب من كانو متمسكين بهذه العادات انقرضوولم يبقى منهم احدسوى قله ولكن الان ظهرت ظاهره زواج المصالح
وفيه عينات انا اعرفهم توهقو بهذا الشي اعرف اني انحرفت عن الموضوع الاصلي لكن كلها تندرج تحت مسمي الزواج الغصب
ودمتي بود

[الخلاوي]

مشكورة اختي

على طرح مثل هذه الموضوع

اما بالنسبة الى هذه القضيه من جهة
نظري انها اندثرة وعلى وشك الانتهى الكلي
وفي زمن هاليومين صار اكثر الناس عندما يريد
يتزوج يكون زواجه من ناس بعيدين عنه لاعم ولاخال.


تشااااااااااااااو

[Nathyaa]

عطني


للاسف ان هالعاده الى الان موجوده

وانا اعرف كذا بنت تزوجوا بهالطريقه

وللاسف الزواج فشل


اشكرك للمرور الرائع

[Nathyaa]

الخلاوي

نتمنى فعلا انها تكون اندثرت

اسعدني مرورك وابداء وجهة نظرك